Overblog Suivre ce blog
Editer l'article Administration Créer mon blog
12 décembre 2011 1 12 /12 /décembre /2011 10:04

 TRY THE ANTICIPATION METHOD ON THIS TEXT, WHICH IS NOT A LANGUAGE YOU KNOW:

 Saetchî foû di Press-Gazette (Green Bay, Wisconsin, Etats-Unis) do 27 di djun 1999 Les Beljes walons dins leu-z "îlea etnike" Les netès cinses èt les tchapeles del nonne del Beljike ni sont nén si lon erî do trô al bîjhe do Wisconsin, s' apinse on professeur di l' Univiersité do Wisconsin a Green Bay. Les Beljes del nonne cåzèt d' acostumance on pårler francès loumé walon, a-t i dit li professeur di djeyografeye William Laatsch pa dvant li Soce des Istoryins di l' Etat do Wisconsin, ki s' rapoûléve a l' Holiday Inn-City Centre di Green Bay. Bråmint des Beljes walons ont-st abagué dins les payis di Brown, Door eyèt Kewaunee. C' est vaila ki gn a li d' pus di Walons beljes di tos les Etats-Unis. Li walon e-st on pårler ki toûne a rén reutabale ås Etats-Unis, ca i gn a waire di djins ki l' djåzèt co bén, èt co moens ki l' sicrîjhèt. S' apinse li professeur Laatsch, les Beljes k' ont bagué è Wisconsin n' avint waire sitî è scole. Dandjureu k' i n' savint ddja scrire leu lingaedje. Çu ki fwait ki li comunåté des Beljes do trô al bîjhe do Wisconsin n' est nén come les ôtes, a pårt li nombe di djins, c' est si culture eraecineye fond, ki n' candje nén po dire. "A mezeure ki les familes s' agrandixhint avårci, l' industreye crexheut eto" endè va-t i Laatsch. "Ça fwait ki les djonnes n' ont pus fwait do cinsî, mins il ont tot l' minme dimoré avårci." Cåze di "l' ilea etnike" ki les Beljes walons ont fwait droci, i gn a des viyaedjes avou des nos etnikes cossemés hår èt hote al copete do Wisconsin (boutans: Brussels è payis di Door), mins ossu des coûjhenes d' esté eyèt des tchapeles. Li foite etnicité al bîjhe do Wisconsin e-st ene sacwè ki n' egzisteye nén dins des ôtès coines di nosse payis, s' apinse Laatsch. Ene mape etnike fwaite par lu dins les anneyes 70 mostere ki cwatrè-vint djins so cint, avå les campagnes, sont des Walons del Beljike. "C' e-st ene sipexheu a n' nén croere po on groupe etnike", di-st i nosse professeur. "Dji n' a veyu çoula nole påt a pårt avårci." Por lu, i gn a k' ezès rezerves d' Indyins eyèt dins les comunåtés rlidjeuses ki li spexheu etnike est co pus foite. Les Walons, po cmincî, ont amwinnadjî a Milwaukee èt Sheboygan. Adon, i nd ont nd alé après bîjhe, ca i gn aveut avårla pus hôt on priyesse ki dvizéve li walon. Les Walons ont stî poussî èt rpoussî a s' astaler è Wisconsin di 1853 a 1857. Stephanie Kuenn, Press-Gazette 

Partager cet article

Repost 0
Published by mrdesdevises - dans 1ere
commenter cet article

commentaires

IF YOU NEED TO CONTACT ME:

mrdesdevises@hotmail.fr

Recherche

Catégories